北海道食堂 (已結業)

都市人生活壓力大 得閒梗係想逃離香港 今晚就逃離咗去北海道...食堂😝餐廳算係幾大 除咗有一般嘅座位之外 仲有鐵板燒嘅座位 等你可以睇住廚師喺你面前精心炮製食材 感覺會好食啲㗎 不過因為我地唔諗住全部叫晒鐵板燒 所以都係坐返喺卡位啦😂鐵板燒銀鱈魚 跟餐仲有前菜 茶碗蒸 麵豉湯 同白飯一碗 條魚齋睇賣相都已經知道個肉質係好嫩滑嘅 食落口 魚油嘅香充滿整個口腔 果然銀鱈魚係高質啲嘅😻 旁邊嘅炒芽菜一樣出色 非常爽脆 茶碗蒸嘅蛋亦都好滑 仲有蝦 蟹柳同冬菇喺入面👍🏻豚平燒 一切開有好多蛋汁流出嚟 證明個蛋唔會過熟 入面有啲五花腩片 連晒啲蛋黃醬同木魚絲 個口感好夾 雖然個size 望落唔多 但係食吓食吓都幾飽🙊芝士咖喱吉列豬扒石鍋飯 芝士融咗有拉絲😬 但咖喱味唔算係太濃 同埋啲飯好容易會黐底 所以要一邊食一邊攪就會好啲北海道十勝紅豆黑芝麻雪糕 芝麻味好濃郁 啲丸子都煙煙韌韌咁 不過啲紅豆就有少少過甜 遮蓋咗雪糕嘅味道🤧鐵板燒果然係唔同啲 下次嚟要坐鐵板燒檯 一上檯就食可能仲正🙈