影片
更多
2024-03-13
80 浏览
鐵板燒入面我經常幫襯嘅就係板神，觀塘同埋銅鑼灣嘅分店我都幫襯過，所以今日嚟咗尖沙咀試吓睇吓係咪一樣咁有水準先！入到嚟餐廳已經見到佢哋裝潢好靚，侍應嘅態度都非常之友善❤️❤️今次叫咗一個好似係新Menu黎架，之前都冇見過：富士見鉄板焼コース，一於試吓先！第一道嚟嘅菜係蘆薈豆芽沙律，係季節沙律 ,酸味味好開胃。之後就嚟咗前菜三點：芝麻豆腐➡️水雲醋漬山芋蓉➡️黑玫貝，箭嘴係侍應推薦食嘅次序，我特別鍾意食黑玫貝，醬料突出咗貝既鮮味。刺身三點有北海道帆立貝、油甘魚腩、拖羅，切得大大塊厚厚的，鮮甜美味！！食完冷盤開始食啲熱食啦，第一味火焰北寄貝，好型呀，見到隻北寄貝着火，視覺嘅享受。侍應幫我哋加咗啲海苔汁，都係比較淡嘅，食返個原味，口感正，爽脆彈牙🤩之後我哋就食龍蝦配SALTY、7(野飲名）龍蝦有好多蝦膏啊，佢將啲蝦膏整咗出嚟做醬汁，剩低嘅龍蝦頭就拎嚟煲麵豉湯俾我哋飲，💯充分利用晒成個食材。SALTY、7係用鹹檸水tonic水蝶豆花櫻花蝦味，鹹香味飲料可以去油膩感。龍蝦好新鮮喺燒嘅時候都見到佢郁吓郁吓，加上佢既秘製蝦汁牛油蝦膏醬汁，令到龍蝦嘅鮮味昇華。飲返個和牛湯先，湯底係茉莉花木魚湯，加埋本菇，係鹹鹹
入到嚟餐廳已經見到佢哋裝潢好靚，侍應嘅態度都非常之友善❤️❤️
今次叫咗一個好似係新Menu黎架，之前都冇見過：富士見鉄板焼コース，一於試吓先！
第一道嚟嘅菜係蘆薈豆芽沙律，係季節沙律 ,酸味味好開胃。之後就嚟咗前菜三點：
芝麻豆腐➡️水雲醋漬山芋蓉➡️黑玫貝，箭嘴係侍應推薦食嘅次序，我特別鍾意食黑玫貝，醬料突出咗貝既鮮味。
刺身三點有北海道帆立貝、油甘魚腩、拖羅，切得大大塊厚厚的，鮮甜美味！！
食完冷盤開始食啲熱食啦，第一味火焰北寄貝，好型呀，見到隻北寄貝着火，視覺嘅享受。侍應幫我哋加咗啲海苔汁，都係比較淡嘅，食返個原味，口感正，爽脆彈牙🤩
之後我哋就食龍蝦配SALTY、7(野飲名）
龍蝦有好多蝦膏啊，佢將啲蝦膏整咗出嚟做醬汁，剩低嘅龍蝦頭就拎嚟煲麵豉湯俾我哋飲，💯充分利用晒成個食材。
SALTY、7係用鹹檸水tonic水蝶豆花櫻花蝦味，鹹香味飲料可以去油膩感。
龍蝦好新鮮喺燒嘅時候都見到佢郁吓郁吓，加上佢既秘製蝦汁牛油蝦膏醬汁，令到龍蝦嘅鮮味昇華。
飲返個和牛湯先，湯底係茉莉花木魚湯，加埋本菇，係鹹鹹地嘅花香味，口感多層次，再加埋塊和牛，正呀！！
到季節煮物部分，佢用左蕪菁即係日本蘿蔔頭，清爽冇乜渣，珍珠洋蔥🧅同埋蘆筍，佢嘅汁係薑汁蟹肉芡，可以放落啲蔬菜度食增加蔬菜嘅鮮味，refresh 一下味蕾。
終於都食美國牛肉厚燒，廚師炒脆啲白蒜片，配住個牛肉食，唔錯wo!! 我哋揀咗五成熟，牛肉好Juicy, 燒到恰到好處。
之後再上埋漬物、龍蝦麵豉湯同埋日本和牛粒炒飯，真係非常非常飽！最後係甜品部分：藍莓雪糕、士多啤梨配焦糖多士，三樣嘢一齊食，非常特別。我鍾意食呢個甜品呀！
板神出品果然冇令我失望，服務擺盤裝潢都很好，隔一排都會再想光顧❤️❤️師傅好有趣，仲同我哋一齊飲清酒。
张贴
