京都鐡板居酒屋 (已結業)

尖沙咀酒吧街附好多食肆，今日放工相約朋友，過嚟食飯傾計，搵咗呢間餐廳，主打食鐵板燒，壽司同串燒✨日本青椒仔食落辣辣地，非常開胃，加上木魚絲更加惹味✨燒翠玉瓜翠玉瓜好新鮮，超爽甜✨手羽先外皮燒到好香脆，加上七味粉食更加香口✨雞腎雞腎燒到爽脆彈牙，唔乾身✨雞軟骨串超鍾意食雞軟骨嘅口感，好爽脆，食到索索聲✨ 雞胸軟骨日本雞出名柔軟多汁，雞軟骨亦係品質保證💯，軟骨緊密爽口，塗上醬汁再烹調更惹味💕✨燒白鱔白鱔非常新鮮，外皮燒到金黃色，好香口，肉質彈牙，魚油脂豐富✨燒手打免冶雞肉棒雞肉好嫩滑，好有肉汁，雞肉串燒到每邊金黃色，配合埋橙黃色嘅蛋黃一齊食，好creamy✨燒雞串雞肉非常嫩滑，juicy 有肉汁✨鹽燒黑豚腩肉肉質結實，清爽，脆口，腩片嘅部位油脂感突出，係最好食嘅部份✨燒大蔥✨燒冬菇蔬菜類外皮燒到焦香，值得一試✨刺身拼盤有五款刺身，分別係深海池魚，帶子，伊左木，平靜魚，赤羽太，類型比較特別，深海池魚🐟油脂最豐富，白身魚，油脂含量適中，入口味道帶有香滑魚鮮味，帶子好新鮮好大粒，頂級刺身質素，口感爽口