一品活蝦 (已結業)

我和朋友都鐘意食蝦，趁假日約了來試下這間以食蝦出名台灣居酒屋，餐廳有9種唔同煮法嘅蝦選擇，以及一些下酒小菜、鍋物、特色料理，主食及蔬菜等，樣樣都好吸引，另外，餐廳亦有二人及四人餐給人選擇。我哋叫了檸檬蝦（小）、烤澎湖墨魚香腸（小）、胡椒風螺、麻油麵線、空心菜及兩罐台灣特色啤酒。頭三樣都好值得推介呀。檸檬蝦（小）蝦都很大隻，而且爆膏，非常鮮甜，爽口彈牙，配上檸檬，酸味味更加能帶出蝦鮮味，又解膩。烤澎湖墨魚香腸（小）及胡椒風螺兩樣都很特別，很少係香港試到，墨魚香腸烤得很香口，啖啖墨魚味，配上生蒜片同䓤味道一絕。胡椒風螺用胡椒炒到風螺很惹味，很下酒。可惜我唔識飲酒，但居酒屋有不少特色無酒精或徵酒精啤酒，可以俾我一試飲啤酒滋味。P.s. 老闆娘真係好好人，仲送左鹹蜆仔俾我哋試。