3個女仔嗌咗3個餸, 酸菜魚 (轉咗剝皮魚), 辣子雞加肥腸同土豆絲, 有得揀辣嘅都揀小辣, 加3杯水果茶
剝皮魚都係第一次試, 勁好食, 未食過嘅人真係可以試下
酸菜魚個底好正, 小辣真係好Perfect, d 滑溜溜嘅麵索咗D 汁好好食, 又彈牙 
辣子雞加肥腸, 唔知係唔係加咗肥腸, 覺得腸多過雞, 如果可以多雞少腸就好喇
但味道都係好好嘅 
D 腸炸得好靚 土豆絲係超好食, 覺得有驚喜
火喉好好, 少少爽脆味道又夠, 下次要再encore 
水果茶都好飲, 已經嗌走甜, 但水果好新鮮又香, 飲落唔會好齋, 茶味亦幾濃
最後仲有杯桂花糕送, 不過就甜咗d, 鍾意甜野都應該幾岩味
因為全部散嗌, 埋單都接近$700, 貴咗少少, 但偶爾食下都好滿足
1
