麻辣舖 (已結業)

今日係行經中環donki買完野，朋友話想食麻辣嘢周sir附近有冇，見到呢間寫住麻辣舖，睇一睇餐牌見到好多麻辣嘢啱晒朋友就去食。麻辣舖脆脾$38即叫即炸，雞髀炸到外皮脆卜卜，入面肉嫩多汁，炸漿唔算好厚。辣子單骨雞翼$28 呢個朋友最喜愛，辣子嘅味道10分香口惹味，單骨雞翼一口一啖，方便進食。麻辣三寶$28有豬皮蘿蔔魚蛋，醬汁10分惹味，豬皮吸收晒醬汁的味道，10分好食，魚蛋爽口彈牙，蘿蔔咬落多汁鮮甜。椒點牛脷粒粒$28牛脷粒咬落煙煙韌韌，幾有咬口。紅燒牛肋條飯$78另外，我哋叫咗一個飯一齊share ，牛肋條炆得10分入味，送飯一流，另外跟咗四款前菜，有薯仔，麻辣木耳，蕃茄莎莎和酸甜蘿蔔，我最鍾意麻辣木耳好爽口。