唐包點 (港鐵屯門站)

营业中

休息中

好耐冇去屯門， 咁啱要嚟呢度見客，趕到嚟得十分鐘食飯，好彩畀我搵到間平靚正嘅。叫咗個豬軟骨飯，醬汁味道啱啱好，份量好夠，大大件嘅， 我感覺佢係入口即溶，炆得好稔好入味，肉質好軟身，軟骨嘅部份，炆到好似透明啫喱咁，好有膠質，唔似有啲餐廳咁用煲湯豬肉就當係豬軟骨。配料亦都好入味，出色！以一間專做外賣速食嘅餐廳嚟講，唐包點真係好細心，用個好硬淨嘅盒將飯同餸分開，一嚟乾淨啲唔使驚啲汁打瀉，我自己又可以鍾意啲飯撈幾多汁就撈幾多 ，值得一讚。