韓膳宮 (已結業)

好耐都冇食過韓燒啦，趁住放假即係約埋個朋友一齊嚟旺角通菜街嘅韓膳宮食韓燒！睇過佢嘅價錢都抵食，每位都係$218，有90分鐘任食任飲。呢度最正嘅係佢啲牛，可以任食。首先頂級牛肩肉真係不得了，雪花均勻剔透，食得出佢嘅新鮮！跟住就係個頂級牛板腱肉，食落肉質鮮嫩軟滑兼且肉汁豐富！👍🏻最後就係個頂級牛仔骨啦，燒完之後，真係好香好正，入邊嘅肉汁都依然keep住，食落每口都係濃濃嘅牛肉香！😆👍🏻另外我哋都有叫佢啲海鮮食吓嘅，海蝦都係好新鮮又好大隻，食落好爽口鮮甜！食幾多都係$218真係好高CP值！😚