神石燒 (八號花園) (已結業)

唔知大家平時鍾唔鍾意食燒肉？今次介紹呢一間覺得幾高質嘅大埔燒肉店！餐廳位於八號花園，相信住大埔嘅朋友都估到就係呢間神石燒牛扒專門店。餐廳有唔同嘅套餐選擇，今次我就揀咗最傳統嘅石燒，我就揀咗呢款美國黑安格斯牛膈肌 ！首先要大讚呢度嘅牛肉質素非常高質，估唔到一咬落去就充滿肉汁，而且有好濃郁嘅牛肉味道，職員嘅滿足度係100分❗️跟住佢哋呢度嘅海鮮都非常之高質，而家價錢仲好抵食！我就揀咗呢款日式磯燒鮑魚，鮑魚都幾好肉，口感好煙韌！仲有呢款好香蒜蓉味嘅帆立貝，蒜蓉嘅味道完全滲透落帆立貝入面，勁正！當然唔少得頂級虎蝦，蝦肉鮮甜又彈牙！