韓珍 (帝國中心) (已結業)

～Toby姐姐生日月～唔知係咪有遺傳，佢同媽媽我一樣咁鍾意韓風😂。除咗鍾意睇韓國綜藝，食物都至愛！今年生日無得去旅行，梗係要帶佢食最鍾意嘅食物，等佢開心下😊～韓珍～真正韓國人主理❤️豬頸肉❤️調味排骨～前者嫩滑彈牙，後者食落香滑甜甜地，咬落即咇油汁，油香四射，燒嘅時候要小心啲，好惹火架😆❤️海鮮煎蔥餅～食到有魷魚、帶子粒、蝦粒、大葱，煎得香噴噴有蛋香，而且size好似Pizza大批咁大個，小朋友好開心😄❤️牛肉石鍋拌飯～牛肉甜甜地，材料豐富，有紫菜青瓜大豆芽紅蘿蔔等，上到枱仲熱辣辣出晒煙👍而且個熱鍋夠熱可以keep好耐溫度，慢慢食都得！❤️炒牛肉粉絲～粉絲唔會好油，而且大大碟，一貫嘅韓國風味，識食嘅小朋友，將牛肉粉絲、燒肉，夾住生菜一齊包嚟食👍好正，又一解鎖新食法！❤️人蔘雞湯～傳統嘅韓國美食，記得以前韓國旅行嘅時候，我哋嘅早餐特登去食人蔘雞湯添，食完個身會暖足全日。呢度個人蔘雞湯都係咁足料，仲有糯米釀喺雞中間，湯頭清潤，好滿足！店舖負責人仲好nice，特登過嚟同小朋友打招呼添😄