影片
更多
2010-09-16
34 浏览
早一陣子師傅約左師妹傾下計, 所以打算搵間咖啡店係靜靜地坐下, 奈何師傅對咖啡店嘅認知唔多, 所以冇咩心水, 咁啱師妹就提議左呢間, 難得師妹都有心水, 於是師傅上黎望覺下, 覺得都唔錯, 所以決定去馬!去到呢間咖啡店都幾多人, 幸好兩個人有位, 而又唔使坐室外, 不過如果要坐室外, 師傅一定三十六著走為上著, 皆因師傅怕熱; 坐低後師傅即刻睇下有咩吸引, 左望右望始終冇咩吸引, 好唔容易先揀到野飲, 所以都係穩陣為主要左杯青檸綠茶, 加上肚子餓所以柯打左一客小食三拼; 至於師妹要咩師傅已經唔記得, 應該係甚麼咖啡啦!落完單等嘅時間都幾耐, 真係講到口水乾都未有野你飲; 望穿秋水終於等到杯青檸綠茶, 師傅係咁易篤左兩野先飲, 入口味道唔青唔檸唔酸亦唔甜, 而綠茶味亦唔算香, 味道一般, 唔算吸引, 令師傅有寥勝於無嘅感覺! 再要等左幾耐下個小食三拼先到, 小食三拼有咖哩角, 魚手指同埋雞塊; 咖哩角有四件, 炸得夠脆, 入口咖哩味唔香唔辣, 師傅覺得金玉其外, 唔算吸引; 至於魚手指就得三條, 炸得十分鬆脆, 而且唔油膩唔硬身, 雖然明知係雪魚, 但一d雪種味都冇, 勁正; 最後雞塊有
去到呢間咖啡店都幾多人, 幸好兩個人有位, 而又唔使坐室外, 不過如果要坐室外, 師傅一定三十六著走為上著, 皆因師傅怕熱; 坐低後師傅即刻睇下有咩吸引, 左望右望始終冇咩吸引, 好唔容易先揀到野飲, 所以都係穩陣為主要左杯青檸綠茶, 加上肚子餓所以柯打左一客小食三拼; 至於師妹要咩師傅已經唔記得, 應該係甚麼咖啡啦!
落完單等嘅時間都幾耐, 真係講到口水乾都未有野你飲; 望穿秋水終於等到杯青檸綠茶, 師傅係咁易篤左兩野先飲, 入口味道唔青唔檸唔酸亦唔甜, 而綠茶味亦唔算香, 味道一般, 唔算吸引, 令師傅有寥勝於無嘅感覺!
再要等左幾耐下個小食三拼先到, 小食三拼有咖哩角, 魚手指同埋雞塊; 咖哩角有四件, 炸得夠脆, 入口咖哩味唔香唔辣, 師傅覺得金玉其外, 唔算吸引; 至於魚手指就得三條, 炸得十分鬆脆, 而且唔油膩唔硬身, 雖然明知係雪魚, 但一d雪種味都冇, 勁正; 最後雞塊有三件, 水準同老麥的亦差無幾, 但比老麥的更軟熟, 可惜過咸, 一般啦!
總括黎講食物質素一般, 環境一般, 坐得尚算舒服, 不過唔算靜, 同師傅要求有少少出入, 而服務態度可以, 價錢大眾化, 三十幾蚊杯飲品, 三十八蚊小食三拼, 仲可以擺個四三三陣式, 接受到啦! 師傅覺得呢間咖啡店都算嘈, 不過嘈極都唔夠隔離嗰間嘈, 其他樣樣都中中地, 看來師傅始終係鍾意酒精多過咖啡; 所以笑臉比唔到, 而再黎機會絕對唔大!
张贴
