星味坊烘焙專門店

营业中

休息中

經過一間喺元朗嘅烘焙麵包店，臨近農曆新年節日，就買啲比較特別嘅盒裝賀年食品，當作送禮之用，當然亦都買番盒畀自己食。櫻花蝦酥 $148一盒總共有24條， 排滿成個盒。 一打開個盒就會見到滿滿既櫻花蝦乾，望落去就已經好吸引，而且會聞到烤櫻花蝦嗰種香酥味，色香俱全。櫻花蝦下面係正常酥條，咬落酥脆，亦唔會太空心，食落口感覺糖分偏多，成舊酥條偏甜，掩蓋咗最頂既櫻花蝦層果陣微微嘅鹹香味，略為失色。個人認為嗰兩層分開食落口會更加好味。不過整體嚟講我都覺得好好食，係送禮唔錯嘅選擇。