詠藜園四川菜館 (已搬遷) 新店位置

一直都想黎食下喇...好突然早幾晚黎左食,原來撘巴士係對面落車,勁方便呀!都好大個招牌,入到去環境麻麻,但都幾有特式,掛左好多燈籠o既物體,坐得唔係舒服架,預左食飽就要鬆人,唔好諗住慢慢hea,有少少大排檔feel...佢好多好多野食架,但我地得兩個人,又唔係食咁多o者, 有每日特價精選,我地就叫左特價o既兩樣野...小籠包,um...個皮好厚呀...麻麻地ja,一籠8粒,我地兩個人食o既話就多d左,冇乜肉汁...口水雞, 我就係好想食,佢個味真係我想食到o個隻,好似正宗好多,似樣喇,唔錯,唔係太辣,但d雞就比左雞背位...如果係雞胸or雞比應該會好d...四川担担麵,唔係好大碗,睇落去已經係比紅色o既油蓋住晒,但又唔係話好辣,有花生香麻醬香,麵可以再彈牙少少,但都唔錯,好味!孜然排骨 (特價精選), 好大碟,好似38定48,係熱氣架喇,孜然味加椒鹽咁,唔太dry,都可以乳腐生菜 (特價精選), 普普通通啦,都夠獲氣,ok o既已經好夠飽喇,想食下個碗豆黃都唔得...下次丫,下次多d人o既話會再去食! 好地道,有晒我鍾食o既野...下次再去~