MR. MAKI (保和大廈) (已結業)

係灣仔上完堂，順便係附近買野返屋企食。呢間Mr Maki係食壽司，見門面都好乾淨整潔，就選擇在此買晚餐回家。佢店鋪唔算大，但都有幾個位可以坐低堂食。叫左個帶子被困火焰山，個名好得意，如何被困？返到屋企先見到係啲壽司上面係舖滿蟹棒絲，裡面藏了帶子😂😂😂所以帶子被困了，無論名字還是賣相都好有創意。由於有大量蟹棒以及帶子的關係，係超鮮甜！另外叫左麻麻地軟殼蟹，叫左先見到個menu旁邊有條辣椒仔，代表係辣既，但食落就發現只係微微的辣味，turns out 我好鍾意呢個麻辣醬，好開胃，估唔到麻辣同軟殼蟹壽司都好夾。跟餐加$20有埋沙律同半份番薯條，好脆，加上啲蕃薯好甜，就咁食唔洗點茄汁都好味。另一份跟餐小食叫左炸雞，一邊行返屋企一邊後悔唔應該叫炸雞，怕返到屋企就林左唔好食，點知仲係好脆，好犀利！啲汁甜甜地，同埋無咩脂肪，但雞肉仍然好滑。野飲都好多選擇，飲左波子汽水同埋茶。