達順辣蟹火鍋 (已易手) 新餐厅

終於開始秋涼，天氣開始凍就想打邊爐，今次去開銅鑼灣就約個frd去呢間達順辣蟹火鍋。餐廳入面有兩層，地方都幾闊落，係傳統中式酒樓既佈局。因為我好朋友仲有些少感冒未清得曬，所以就無叫辣蟹，叫左清清地既粥底火鍋。另外，我地仲叫左好多火鍋配料，特別既係佢同我之前食過既粥底火鍋完全唔同，佢係用粥水比我地恰下恰下，到最尾當粥水吸收曬材料鮮味，佢再加已經煲好既粥同蔥，蒜，炸腐竹提返香味，好特別既食法。講返配料，我地見佢價錢都幾平，所以叫多左幾碟，值得一讚係份量十足。我地叫左一碟豬潤，佢比滿滿一碟，而且切得相當大，夠曬誠意。最驚喜係叫左既安格斯牛仔粒同墨魚滑，值得大大力推薦，因為牛仔粒肉味香濃，配埋粥一流，而墨魚滑都好彈牙，極速同frd掃曬。至於蔬菜，我地叫左菇拼盤、娃娃菜、准山同竹笙。竹笙好抵食，都係一大碟，好清新爽口，其他菜都不過不失。總結黎講，呢間平民化打邊爐相當唔錯，以港島黎講算好平，平均食左2百幾一個人，飽一飽，下次去開都會再試。