影片
更多
2013-03-12
164 浏览
川菜, 又辣又正, I Like It !!!呢晚收工同幾粒同事仔去左魚魚街, 研究完魚魚就直接過去食dinner~之前一日已經 book 左位, 所以去到就有枱嚕...不過其實呢間人唔多, 可能係位置問題啦, 基本上應該唔 book 位都可以!!坐低之後就開始忙, 隻手又忙(翻 menu), 隻眼又忙(睇 menu), 個腦都忙(諗食咩)~結果, 攪左成幾個字先有定案, 哈哈哈...我地 5 粒人, order 菜單如下: 蒜泥白肉 家鄉醉魚干 毛血旺 干扁四季豆 原味焗蜆 麻辣鴛鴦雞煲最快先上枱既, 當然就係冷盤啦~ 蒜泥白肉 - 五花腩雖然未靚到一層一層果種, 不過都叫肥瘦均勻, 肉質有咬口!! 汁料香而不辣, 最愛墊底既青瓜條, 清新又爽脆!! 家鄉醉魚干 - 好得意既一個冷盤, 視覺上覺得魚.....係生既 (顏色問題)!! 食落有陣好似咸魚既咸香味, 但係又無咸魚咁咸!! 仲有微微既魚鯹味!!之後就係 4 個主菜出埸~ 干扁四季豆 - 炒得夠干身, 不過整體比較油!! 有肉碎伴隨, 送飯一流, 可惜只夠咸, 但唔夠辣, 感覺上唔夠野味!! 原味焗蜆 - 正!! 熱呼呼之餘,
呢晚收工同幾粒同事仔去左魚魚街, 研究完魚魚就直接過去食dinner~
之前一日已經 book 左位, 所以去到就有枱嚕...
不過其實呢間人唔多, 可能係位置問題啦, 基本上應該唔 book 位都可以!!
坐低之後就開始忙, 隻手又忙(翻 menu), 隻眼又忙(睇 menu), 個腦都忙(諗食咩)~
結果, 攪左成幾個字先有定案, 哈哈哈...
我地 5 粒人, order 菜單如下:
蒜泥白肉
家鄉醉魚干
毛血旺
干扁四季豆
原味焗蜆
麻辣鴛鴦雞煲
最快先上枱既, 當然就係冷盤啦~
蒜泥白肉 - 五花腩雖然未靚到一層一層果種, 不過都叫肥瘦均勻, 肉質有咬口!! 汁料香而不辣, 最愛墊底既青瓜條, 清新又爽脆!!
家鄉醉魚干 - 好得意既一個冷盤, 視覺上覺得魚.....係生既 (顏色問題)!! 食落有陣好似咸魚既咸香味, 但係又無咸魚咁咸!! 仲有微微既魚鯹味!!
之後就係 4 個主菜出埸~干扁四季豆 - 炒得夠干身, 不過整體比較油!! 有肉碎伴隨, 送飯一流, 可惜只夠咸, 但唔夠辣, 感覺上唔夠野味!!
原味焗蜆 - 正!! 熱呼呼之餘, 帶有濃濃既胡椒香, 辣度亦夠, 好食停唔到口!! 而且蜆夠乾淨, 完全無沙, 雖然唔算好飽滿, 但每一隻都有蜆肉!!
麻辣鴛鴦雞煲 - 煲仔細細, 但可以一次過滿足 2 個願望!! 所謂既鴛鴦, 就係田雞 vs 普通雞件, 上枱附有小爐, keep 住煮, keep 住熱, 雞件田雞夠入味, 辣度適中又野味!! 由其係煲底既薯仔、蘿蔔條, 吸收晒汁味、雞味、辣味!! 唯一係....份量比較少!!
毛血旺 - 食極都仲有!! 大大盤上枱, 鮮紅色既湯底, 湯味濃郁, 感覺都唔太油, 好飲!! 用料大足, 包括: 豬紅、黑柏葉、青瓜、芽菜、黃喉、豬心...等等!! 值得一提既係: 豬紅, 因為係真正既豬紅黎, 又軟又滑又無怪味, 同平時果D假好大分別!!
食飽飽之後, 又係心思思睇甜品既時候!!呢間小店本身都有做埋少量既甜品, 正當我地爭紮緊叫咩好既時候.................
老闆突然拎左糖水黎, 仲話係送比我地食添呀!!!!
好感動既.....................薑汁番薯糖水~
薑味濃, 有辣味, 番薯軟淋香甜, 糖水甜度啱啱好, 正!!!雖然只係一小碗, 但係已經好滿足, 因為...........
一黎幫我地解決左諗甜品既煩惱~
二黎我地其實已經好飽, 食得唔多, 呢個份量真係啱啱好~
有機會, 我都會再黎!!
题外话/补充资料：
我地仲叫左: :chopstick: 白飯 x4，:chopstick: 汽水 x4
另外, 茶芥 $8 / 每位
埋單, 5 百有找!!
P.S. 上面既餸菜辣度, 對我黎講只屬 - 微辣/ 小辣, 除左毛血旺可以算係小辣偏中辣....
所以嗜辣既人未必可以好滿足, 不過我諗可以要佢加辣既!!
(以上食记乃用户个人意见 , 并不代表OpenRice之观点。)
张贴
