翡翠拉麵小籠包 (已結業)

上星期同K先生去到世貿中心，先發現小王牛肉麵變咗翡翠拉麵小籠包，其他餐廳要排隊，又唔想行來行去，所以入咗去食。我地點咗小龍包、雲吞麵、擔擔麵、檸檬薏米水。入到去，餐廳員工服務態度欠佳，叫左好耐先有人同我地點菜。等咗好耐，d食物先送到。小龍包黎先，我同K先生每一夾一個，個皮即爛，四個小籠包都係一夾起就爛。K先生的擔擔麵，K先生話一d都吾正宗，味道麻麻地。而我的碗吞麵，份量係幾多，但雲吞同之前的小籠包情況一樣，都係用筷子一夾起，個皮就爛，粒粒如是。全餐唯一滿意係杯檸檬薏米水。