香江花月 (利舞臺廣場) (已結業)

平時酒樓、小店都食得多，今次揀左銅鑼灣一間打卡一流的餐廳嘆茶🫖！【香江花月】尼個名對大家黎講唔陌生吧，畢竟岩岩過完冬天，上網搜尋打邊爐都會出現佢地。估唔到佢地既點心都一樣出色，環境氛圍高尚同有格調🧡。餐廳每個角落都好岩打卡📸，中央位置有架非常型格的電單車🏍️，✨順帶一提臨走必到正門旁的打卡裝置室。（聽講每間分店打卡裝飾都好唔同，歡迎大家打完卡同我講🥰） ⦁三式混醬腸粉平時食得多白色同紅米腸，今次食到黃色（南瓜🎃）、綠色（芫茜🌿），兩個味唔會好濃烈，淡淡地幾香。而且口感煙韌，配埋甜醬麻醬，好夾好好味！ ⦁飛魚子百花燒賣淺綠色的外皮用左菜汁整成，唔會好厚，包住鮮蝦，口感爽口彈牙。一定要提就係最上面烏黑色的飛魚子非常鹹香。 ⦁如意火龍紫米炒飯用上紅色火龍果果肉去炒飯，紅bob bob既顏色，新年黎食必點‼️配上蛋白、菜粒等，炒到粒粒分明，好有口感之餘唔會軟淋淋。 ⦁黑白天鵝⚫黑天鵝入面係杏仁味，⚪白天鵝就係紅豆沙。酥皮炸得好脆，餡料唔太甜，味道唔差👍🏻👍🏻。仲用埋炸芋頭絲黎做鳥巢，旁邊放上鵪鶉蛋，造型感滿滿‼打卡勁有feel，必點‼📸