반찬앤쿡 Banchan and Cook (時代廣場) (已結業)

반찬앤쿡 Banchan and Cook (時代廣場) (銅鑼灣)📇地址：銅鑼灣勿地臣街1號時代廣場9樓922-923號舖🕐營業時間：12:00-22:00💸人均消費：～$200-250/人(dinner)👏🏻抵讚位：佢呢間cafe其實係主打蛋包飯，但我同朋友一心黎係食韓國野，所以無叫到。我地叫左半份芝士初雪無骨炸雞（$108），韓式辣炒年糕（$89）同埋包🐷肉（$182）。野食質量唔錯，同埋都好大份。個炸雞望落去份量唔多，但食落都有8-10舊左右。韓式年糕上面有三大件餃子，就算凍咗都仲好脆👍🏻 最好食就係個包肉，啲豬肉好淋，包埋啲生菜同泡菜一齊食完全唔膩😋😋 叫左個s-more（$78），即係燒溶左嘅棉花糖夾消化餅做甜品🥰 用左個燒熱嘅鐵兜仔上即刻熱辣辣食就好好味，凍左先食就好膩🤣 另外叫左一杯濟洲島綠茶咖啡（$48）同無花果梳打（$42）綠茶咖啡比預期中好飲同埋係正常咖啡帶少少綠茶味。朋友叫個杯無花果梳打中左伏，諗住喺出面好少見到無花果梳打，黎到點知係藥水味🥹😯有待改善位：出餐出得好慢，唔知係咪太多人幫襯，我地等左差唔多45分鐘先有野食陸續上枱，但見隔離個枱遲過我地坐低好多都勁快