影片
更多
2023-03-28
124 浏览
铜锣湾· 「鱼」众不同の烤鱼我要烤鱼📍铜锣湾耀华街3号百乐中心8楼➰好歌推介「还有谁能想飞，还有谁能想不到，难认同叶的飘摇，不相信我的渺少。」.#想创 #陈柏宇➰朋友最近啱啱病完话口淡淡，想食D浓味野，今日就带佢黎试依间烤鱼店。.餐厅距离铜锣湾站5分钟，系时代中心后面一条街，地点方便。一出电梯就见到餐厅霓虹招牌，以石木装修为设计主调，灯光开扬，似中日式结合嘅居酒屋格局，坐低之后店员都简介一下餐厅特色及推荐咗D招牌必点菜式。➰饮品✥Gin Tonic 💲38 ⭐️4.1/5⭐️餐厅都有唔少饮品供应，生啤仲做紧买一送一优惠，但今晚我地都以饮Gin Tonic为主，入口清爽解腻，好适合今日配搭浓味嘅食物。➰小食·烤肉·烧物餐厅除左主打烤鱼之外，仲有好多款式嘅小食甚至烤肉都有供应，而且样样都好有特色，照顾哂钟意唔同口味嘅朋友。.𖥕爆蒜烧蚝(4只) 💲68 ⭐️4/5⭐️烧蚝以木板上枱，新鲜热辣，铺满蒜蓉飘香阵阵蒜香，惹味十足。.𖥕老友鬼鬼 💲32 ⭐️4.1/5⭐️将墨鱼滑酿入油炸鬼内，造成外面酥脆入面弹牙嘅口感，再配上黑松露酱，更加滋味。.𖥕免治鸡肉软骨棒 💲28 ⭐️4.2/5⭐️摆盘精致，鲜艳月见蛋汁
我要烤鱼
📍铜锣湾耀华街3号百乐中心8楼
➰好歌推介
「还有谁能想飞，还有谁能想不到，难认同叶的飘摇，不相信我的渺少。」
.
#想创 #陈柏宇
➰
朋友最近啱啱病完话口淡淡，想食D浓味野，今日就带佢黎试依间烤鱼店。
.
餐厅距离铜锣湾站5分钟，系时代中心后面一条街，地点方便。一出电梯就见到餐厅霓虹招牌，以石木装修为设计主调，灯光开扬，似中日式结合嘅居酒屋格局，坐低之后店员都简介一下餐厅特色及推荐咗D招牌必点菜式。
➰饮品
✥Gin Tonic 💲38 ⭐️4.1/5⭐️
餐厅都有唔少饮品供应，生啤仲做紧买一送一优惠，但今晚我地都以饮Gin Tonic为主，入口清爽解腻，好适合今日配搭浓味嘅食物。
Gin Tonic
4 浏览
0 赞好
0 留言
➰小食·烤肉·烧物
餐厅除左主打烤鱼之外，仲有好多款式嘅小食甚至烤肉都有供应，而且样样都好有特色，照顾哂钟意唔同口味嘅朋友。
.
𖥕爆蒜烧蚝(4只) 💲68 ⭐️4/5⭐️
烧蚝以木板上枱，新鲜热辣，铺满蒜蓉飘香阵阵蒜香，惹味十足。
爆蒜烧蚝
6 浏览
1 赞好
0 留言
.
𖥕老友鬼鬼 💲32 ⭐️4.1/5⭐️
将墨鱼滑酿入油炸鬼内，造成外面酥脆入面弹牙嘅口感，再配上黑松露酱，更加滋味。
老友鬼鬼
3 浏览
0 赞好
0 留言
.
𖥕免治鸡肉软骨棒 💲28 ⭐️4.2/5⭐️
摆盘精致，鲜艳月见蛋汁令人食指大动，立即将免治鸡肉棒捞匀蛋汁，令色泽更加亮丽，入口仲有软骨增加口感层次，推荐。
免治鸡肉软骨棒
3 浏览
0 赞好
0 留言
.
𖥕招牌鸡腿肉(2串) 💲38 ⭐️4.2/5⭐️
𖥕新疆羊肉串 💲28 ⭐️4.1/5⭐️
𖥕厚切牛舌芯 💲28 ⭐️4.1/5⭐️
餐厅仲有串烧供应，味道亦毫不马虎，鸡腿肉烧至焦香，非常吸引，入口啖啖肉，调味亦非常够，推介。仲有孜然味十足嘅羊肉串亦好唔错，当然少不免笔者最爱嘅厚烧牛舌芯，同样软稔中带咬口，惹味之选。
招牌鸡腿肉
6 浏览
0 赞好
0 留言
➰烤鱼&配料
❀川式孜然烤鱼(小) 💲288 ⭐️4.2/5⭐️
❀追加四款汤底配菜 💲38 ⭐️4/5⭐️
烤鱼方面主要有3个步骤，先系拣咗鱼，有鲈鱼同清江鱼可以选择，我地就拣左口感嫩香，油花感较重嘅清江鱼，再黎就系拣汤底，由于朋友啱啱病好，不宜食太辣，就拣左川式孜然烤鱼，最后就拣份量大小，我地2个人当然要份细嘅就足够。
.
烤鱼上枱阵阵孜然飘香，汤底鲜艳但取其椒麻香，并唔辣，都适合唔食辣嘅朋友，烤鱼份量非常多，我地两个人食到尾仲系食到非常多鱼肉，性价比十分高，再加上追加嘅汤底配菜有土豆﹑莲藕﹑豆腐﹑豆芽都系非常索汤汁嘅配料，全部都好惹味。
川式孜然烤鱼
3 浏览
0 赞好
0 留言
.
❀手切鲜封门牛柳 💲88 ⭐️4.2/5⭐️
❀牛舌片 💲48 ⭐️4.2/5⭐️
除左食鱼之外，仲有好多配料可以拣，封门柳一整碟份量非常多，性价比好高，牛味浓郁有咬口，非常推荐，另外牛舌片亦十分爽嫩，同样推介。
手切鲜封门牛柳
5 浏览
0 赞好
0 留言
.
❀玫瑰露鹅肠 💲48 ⭐️4.1/5⭐️
市面上唔算常见嘅鹅肠都有供应，而且仲用玫瑰露腌制，增添香气，稍稍灼熟即可入口，非常爽弹肥美。
❀墨鱼滑玉子烧 💲32 ⭐️4.1/5⭐️
餐厅好有创意地将墨鱼滑酿入玉子烧中，再加上玉子烧索哂汤汁精华，值得一试。
❀功夫莴笋片💲28 ⭐️4.1/5⭐️
❀绿油油拼盘💲68 ⭐️4.1/5⭐️
少不得都要点下蔬菜平冲下，依份莴笋片摆盘砌成花形，赏心悦目，质感爽口，几推介，而绿油油拼盘份量丰富，样样都有，适合选择困难症嘅朋友。
功夫莴笋片
4 浏览
0 赞好
0 留言
➰甜品
✥桂花蜜四川冰粉 💲32 ⭐️4.2/5⭐️
川菜特色嘅冰粉，透心凉之余亦解辣解腻，饱餐一顿之后作结非常完美。
桂花蜜四川冰粉
5 浏览
0 赞好
0 留言
.
➰总结
餐厅除咗份量丰富嘅烤鱼之外，多元化地提供各款特色烧物烤肉等，而且每样都好出色，唔会将自己局限，务求将各类优质食品带俾客人，另外菜式份量都丰富，好适合三五知己亲朋好友一齐嚟饱餐一顿。
.
张贴
