影片
更多
2020-09-04
2621 浏览
【黃店 💛 #GF_List 】⭐ 評分: 8/10 ———————————————上年係銅鑼灣結業，今年選址葵興重開！不過夜晚個商場靜到好似死場咁😓葵興咁少黃店大家要多多支持呀！——————————————————
▪️晚市套餐：香烤芝士忌廉雜菌雞肉意粉 $118(附餐湯)▪️晚市套餐：經典手打牛肉芝士漢堡 配沙律薯條 $128 (附餐湯)▪️Rosemary Kiss ($52) | Cold Tiramisu Latte ($50)夜晚呢個商場靜到好似死城....不過同層其他餐廳(藍店)都有幾枱客幫襯，唯獨呢間靜到員工要玩手指😐以前銅鑼灣店兩樣名物都有得叫翻！意粉上面好多芝士🥰有被火槍輕輕炙燒過嘅痕跡，金黃色好吸引！ 意粉嘅忌廉汁偏向美式幼滑做法，收汁收得好、質地不會過稀，係”結到漏”同”水騎騎”之間嘅平衡點。平時食意粉個量唔多但會漏到飽，呢個係量多、但唔會好漏，令你一啖接一啖食到飽🤣 漢堡包沙律同薯條都包哂！沙律上淋上黑醋油，食落亦新鮮，有幾種沙律菜，唔係得生菜hea你。薯條份量都幾多，比M記粗，但又比Mos Burger稍幼，個人鐘意再粗小小，同埋如果可以再炸耐啲，至
⭐ 評分: 8/10
———————————————
上年係銅鑼灣結業，今年選址葵興重開！不過夜晚個商場靜到好似死場咁😓葵興咁少黃店大家要多多支持呀！
——————————————————
▪️晚市套餐：香烤芝士忌廉雜菌雞肉意粉 $118(附餐湯)
▪️晚市套餐：經典手打牛肉芝士漢堡 配沙律薯條 $128 (附餐湯)
▪️Rosemary Kiss ($52) | Cold Tiramisu Latte ($50)
夜晚呢個商場靜到好似死城....不過同層其他餐廳(藍店)都有幾枱客幫襯，唯獨呢間靜到員工要玩手指😐
以前銅鑼灣店兩樣名物都有得叫翻！意粉上面好多芝士🥰有被火槍輕輕炙燒過嘅痕跡，金黃色好吸引！ 意粉嘅忌廉汁偏向美式幼滑做法，收汁收得好、質地不會過稀，係”結到漏”同”水騎騎”之間嘅平衡點。平時食意粉個量唔多但會漏到飽，呢個係量多、但唔會好漏，令你一啖接一啖食到飽🤣
漢堡包沙律同薯條都包哂！沙律上淋上黑醋油，食落亦新鮮，有幾種沙律菜，唔係得生菜hea你。薯條份量都幾多，比M記粗，但又比Mos Burger稍幼，個人鐘意再粗小小，同埋如果可以再炸耐啲，至金黃色上枱望落應該會更吸引。🤔
重頭戲係個漢堡包！嚟到個包底面烘脆，切剖面個兩邊就無烘到，不過一切落去都聽到「咔咔聲」！個包係屬於有口感嘅鹹包類型，唔係空氣感重嘅sweet buns。😛
塊漢堡扒好厚，要揸扁個包先食到，一啖咬落去先食到漢堡牛嘅肉汁，調味剛好唔會過鹹，大概8成熟左右，依然多汁但最外圍邊緣略為乾散，如果可以再縮短煎嘅時間就更好。車打芝士嘅鹹香，配上酸甜沙律醬同埋番茄，成個combination好夾、口感豐富，雖然到最後都係食到好似分屍咁🌝。btw一路食到松露味，但餐牌無寫，以為自己有幻覺，但問翻店員原來真係有LoL
如果要比較比大家參考，就我食過印象深刻嘅漢堡黃店，我會覺得係: Poms > 好日咖啡 > Neighbor ！好日嘅漢堡扒更厚、更多肉汁，無Neighbor煎得咁熟，但又未去到Poms 嗰種鮮嫩。同樣，咬落比Neighbor鬆化，但仍然食到有1,2條筋。
兩杯嘢飲都好靚，以為去咗酒吧😂Rosemary Kiss飲落係酸酸甜甜嘅梳打，而且仲係落大方cube嘅冰 🧊 真係有cocktail feel😂 幾解渴！Tiramisu Latte 飲落同平時嘅Latte味道差唔多，單叫價錢唔平，如果可以拉埋花感覺會更好。餐湯係羅宋湯，飲到好多蔬菜好足料，唔會飲完頸渴，但覺得質地過稀。
✨ 好日咖啡店 ✨
📍葵涌KCC商場8樓801號舖
⏰ 0730－2130 | 星期日休息
张贴
