滿天星 (已結業)

喺銅鑼灣廣場周圍行街，行行吓話咁快夠鐘食晚飯，竟然搵到一間新開又吾貴嘅西餐廳，餐廳名叫滿天星，好可愛😆⭐️位置系駱克道京都廣場，SOGO後面好易搵。餐廳今個月特別優惠系牛扒或者豬扒放題，食肉獸朋友不妨黎試試！😈價錢喺銅鑼灣黎講都算經濟實惠首先試試是日餐湯，系粟米忌廉湯，淡淡粟米香好易入口。香煎三文魚配黑松露飯及忌廉蕃茄湯汁，三文魚油脂豐富，魚味香濃🐟黑松露飯香口，平時食黑松露啲菜式覺得好食，搭配飯加三文魚又系一種新感覺。蕃茄湯汁甜甜哋，同時又做到解膩。香煎加拿大豬鞍扒配焦糖蘋果，什沙律及黑松露汁🐷豬鞍扒吾系間間西餐廳都有，燒得香口有咬口，焦糖蘋果搭配豬鞍向來系最佳配搭，香甜好味😋🍎配黑松露汁更顯高級。