Unnie

营业中

休息中

CWB有間新開既韓式café! 環境開揚，咁岩坐近窗邊，仲可以有自然光透入。魚糕串辛辣面卡邦尼意粉賣相好吸引，魚糕串有幾款唔同類型既魚糕，有D仲係第1次食，幾有趣! 撈勻之後比一般既卡邦尼意粉多左辣味，令到本身好creamy既意粉冇咁膩。加上辛辣面係即食碎上，食落多種口感。意粉內仲有泡菜等，都幾match。火灸北海道帶子配海鮮炸醬意粉第一次試韓式炸醬配意粉，原來都幾夾。個醬汁有一半係cream，撈埋之後就變左唔係淨炸醬咁重味，亦都唔會乾身。呢個配搭都係第1次食，但幾有驚喜。意粉內仲有海鮮粒，帶子大大粒，都幾足料。跟set +$66 就有埋栗米濃湯, 自制蛋糕同自選飲品。蛋糕有成5款，今次我地叫左朱古力芝士，係比較厚身既芝士蛋糕，朱古力味香濃。草莓鮮奶 奶味濃郁，唔會太甜! 抹茶豆腐latte 撈埋豆腐多D口感，而且唔會卡粉，飲落口好smooth。