御鐵

营业中

休息中

銅鑼灣有好多日式鐵板燒餐廳，難得呢間有咁多好評，又做緊優惠二人餐888/2人，非常抵食。餐廳裝修走日式簡約路線，同一般鐵板燒餐廳差唔多，坐得好舒適。季節野菜沙律，蝦仁好脆口，沙律菜，爽口清新，醬汁酸甜得啱啱好，開胃之選。北海道帆立貝配鮮海苔醬，帆立貝燒得啱啱好，新鮮彈牙，海苔醬香濃鮮美，兩者配搭絕妙，鮮味十足。活龍蝦配海膽醬係今晚嘅重頭戲，龍蝦肉質爽彈，海膽醬香滑濃郁，食落口簡直係鮮上加鮮。主菜鹿兒島和牛薄燒真係無得輸，牛肉油花分佈均勻，師傅燒得火候十足，肉質軟嫩多汁，入口即溶，配埋蒽花更惹味羊架配香煎野菜都係好好味。羊肉好香好冧但一d都唔騷，野菜清香爽口，中和咗羊肉嘅油膩感。加配嘅廣島蠔肉質肥美，鮮甜多汁，好大隻，肉質軟滑，食落口香濃鮮美。南非鮑魚肉質結實、口感爽彈，鮮甜味濃，值得加配。櫻花蝦海鮮炒飯香噴噴，飯粒粒粒分明，櫻花蝦香脆可口，海鮮新鮮彈牙，食落好香口。甜品方面，抺茶同柚子雪糕都係清新可口，抺茶香濃回甘，柚子雪糕酸甜開胃，完美結束呢頓豐富嘅鐵板燒大餐。