阿麥廚房 (已結業)

嗰日約咗朋友喺銅鑼灣食飯，朋友話帶我去加路連山道搵嘢食。嗰頭原來都好多嘢食，我哋去咗一間門面裝修好靚嘅。入到去發現好多人，大約30個座位，好彩訂咗枱好快就坐低左。有好多套餐可供選擇，而且菜式特別。一坐低店員就即刻放低兩杯水，服務真係好迅速。蟹肉南瓜忌廉湯，大量蟹肉加上南瓜香甜幼滑，蒜蓉包外脆內軟，蒜香味濃。黑松露菌忌廉湯，香濃嘅黑松露味加上好有口感嘅蘑菇蓉，味道一流。大蝦占米多，蝦肉爽口彈牙,加上蝦膏嘅精華鮮味十足，沙律菜新鮮翠綠配陳年醋汁酸酸地好開胃。香煎法國鵝肝配糖酒醋藍苺，鵝肝加上多士口感豐富，糖酒醋配藍苺中和咗鵝肝嘅肥膩。牛肝菌燴意大利飯，牛肝菌香氣四溢，意大利飯煮得非常香口，而且醬汁包住每粒意大利飯，味道十分出色。薯條炸得非常香脆。 BBQ烤辣味西班牙豬肋骨，豬肋骨分量十足，燒嘅時間恰到好處，肉質嫩滑，醬汁非常野味。絕對係非常滿足嘅一餐。