影片
更多
2015-01-26
2644 浏览
呢個秋冬自覺食得太多火鍋雞煲，決定食下遺忘左一排既日本野，所以今次就揀左去組長食放題。好在去到既時候未算多人，所以好快就入得去坐，望到呢度十幾張既落單紙，真係心花怒放，急不及待要落單啦！蟹籽沙律平時都比較少食，總覺得沙律醬好heavy。但呢度既沙律就好fresh，青瓜好脆而且食到佢啲蛋好彈，加上啲蟹籽沙律好易入口，唔覺意就食左半碗。豬頸肉好滑，鹹鹹地而且啖啖肉，食落去無肥膏，最啱做開胃小吃。芝士焗扇貝同出面食既唔同，呢度唔單止無過濃既芝士味，而且食到成粒扇貝係度，加上焗既時候加左煙肉，食落好香口，脆脆的。蟹粥 每鍋都有幾隻蟹鉗，適合幾位朋友一同分享。令人驚喜的是蟹肉仍然鮮甜，碗粥亦都清得黎帶甜味，仲有好多蟹膏係粥面，想不到放題都食到高質素蟹粥呢！羊架 黎到時有少少羊羶味，熱愛羊架的筆者聞到已經流哂口水。食落去肉質綿軟，每啖都係肉，一啲羶味都無，絕對值得試！刺身刺身上碟時悉心的擺設不禁令人驚嘆，例如鮑片就用左好可愛既蝴蝶結形，食物藝術令人食得更開懷。呢度既刺身真係寫咁多黎咁多，所以千其唔好眼闊肚窄浪費食物。刺身離不開三文魚甜蝦油甘魚馬刀貝帶子𩶘魚等，但食得新鮮甜味的又有幾多間？鍾意食甜蝦
呢個秋冬自覺食得太多火鍋雞煲，決定食下遺忘左一排既日本野，所以今次就揀左去組長食放題。
好在去到既時候未算多人，所以好快就入得去坐，望到呢度十幾張既落單紙，真係心花怒放，急不及待要落單啦！
蟹籽沙律
平時都比較少食，總覺得沙律醬好heavy。但呢度既沙律就好fresh，青瓜好脆而且食到佢啲蛋好彈，加上啲蟹籽沙律好易入口，唔覺意就食左半碗。
豬頸肉
好滑，鹹鹹地而且啖啖肉，食落去無肥膏，最啱做開胃小吃。
芝士焗扇貝
同出面食既唔同，呢度唔單止無過濃既芝士味，而且食到成粒扇貝係度，加上焗既時候加左煙肉，食落好香口，脆脆的。
蟹粥
每鍋都有幾隻蟹鉗，適合幾位朋友一同分享。令人驚喜的是蟹肉仍然鮮甜，碗粥亦都清得黎帶甜味，仲有好多蟹膏係粥面，想不到放題都食到高質素蟹粥呢！
羊架
黎到時有少少羊羶味，熱愛羊架的筆者聞到已經流哂口水。食落去肉質綿軟，每啖都係肉，一啲羶味都無，絕對值得試！
刺身
刺身上碟時悉心的擺設不禁令人驚嘆，例如鮑片就用左好可愛既蝴蝶結形，食物藝術令人食得更開懷。
呢度既刺身真係寫咁多黎咁多，所以千其唔好眼闊肚窄浪費食物。刺身離不開三文魚甜蝦油甘魚馬刀貝帶子𩶘魚等，但食得新鮮甜味的又有幾多間？
鍾意食甜蝦的朋友黎到組長一定要試，一口一隻，食落鮮甜之餘，滑滑的膠質係喉嚨纏綿，愈食就愈停唔到，筆者淨係食甜蝦都食左三十幾隻！
三文魚油甘魚等刺身都係厚切，而且每片都好大片，同一般出面食放題的薄片或粒狀唔同，加上好新鮮，真心抵食！
炸物款式多，其中以芝士條，吉列蠔同炸蟹鉗最令人難忘，encore左兩次！
呢度唔單止食物出色，更值得一讚既係呢度既服務態度。由於筆者張枱都算偏入，但每次遞紙都好快有侍應黎收，加上每次落單食物都黎齊，仲無漏單情況，侍應態度亦都好好，絕對值得再黎！
张贴
