胡爐 (已結業)

天氣轉涼，又係打邊爐嘅好日子，今日嚟到銅鑼灣百樂中心3樓嘅胡爐餐廳，呢間餐廳好有日式風格，餐廳環境舒適，質素幾唔錯😁。。今次叫左花膠雞湯鍋底，個湯底非常之清甜，雞味濃郁，飲完兩碗暖左個胃之後係時候要食好嘢啦🙈，每一樣望落都好似好好食，索性全部都係拼盤，咁就每樣都可以食啲😎。。葫蘆牛拼盤有牛舌芯、安格斯手切肥牛、極上首切牛頸脊、牛胸爽、霜降牛粒。牛肉肉質好靚，好有牛味，而且脂肪分布均勻😍。我特別鍾意牛胸爽同埋安格斯肥牛，牛胸爽嘅牛味十分濃郁，而且口感非常之彈牙，而肥牛好嫩滑，入口即化，勁好食😋。。另外仲叫咗餃子拼盤同手打丸拼盤，手打丸好彈牙，而且嗰啲餃子皮薄餡靚，當中我最鍾意黑松露蟹肉餃，黑松露味非常濃郁，再加上蟹肉，味道十分豐富有層次🤩。。最後仲有黃金炸魚皮，魚皮炸得非常之酥脆，鹹蛋黃味非常濃烈，咬落去卜卜聲，浸過湯底之後，魚皮充滿個湯底嘅精華，但係口感依然酥脆，勁推薦👍🏻。