尚鮮海鮮料理 (已結業)

早排去開銅鑼灣 2個人仔行行下好想打邊爐反正2個人又唔會食到好多野 於是就去搵間唔係任食既火鍋店食啲高質素既火鍋一坐低 侍應叫我地點左湯底先我地就選左好似好補好潤既蟲草花花膠燉雞湯（＄178)等左陣 個湯底就黎左根本唔應該叫湯底 飲落其實係個老火燉湯來的！好足料 半隻雞 肉質好滑花膠都算好大 而且份量好多 食極都仲有呢個價錢當係飲煲滋保靚湯 其實都幾抵 屋企買料煲一定唔止呢個價睇MENU睇到都有好多特別既配料不過飲完湯食完隻雞同花膠 其實已飽左一半所以都唔係叫左好多野好鍾意食墨魚滑 店員就推介墨魚滑釀冬菇（＄42）真係唔錯既選擇 冬菇好香 墨魚滑好滑亦食到一粒粒墨魚粒 絕對係足料 唔係面粉另外我地點左聽個名就覺得好矝貴既蟹皇餃（＄98)蟹糕味好香濃 但略嫌個皮有少少厚都可以一試打邊爐又點可以唔食牛呢？不得不讚呢個特尚手切牛（＄180)價錢雖然好似唔平但係個份量同質素係令你覺得好值真係食得出同平時唔同牛味夠 亦好滑 又食到有少少入口即溶既感覺真係俾多多我都食得哂！