Vivere (已結業)

銅鑼灣Vivere環境一絕，無論食野飲野都係好選擇。menu都多款式！ROSEMARY BERRY BREEZE呢杯飲品,薰衣草同藍莓嘅清新香氣,加上檸檬同蜜糖嘅酸甜味,再加埋藍柑香汽水嘅微微汽泡,好清爽開胃。凱撒沙律配蟹肉及飛魚籽,呢個真係好驚喜!沙律菜葉新鮮脆口,同埋淋上濃郁香濃嘅凱撒醬汁,簡直惹味極了。咸甜併濃嘅蟹肉塊配埋飛魚籽嘅特別口感，味道係又醒神又層次豐富。虎蝦冬陰功扁意粉,幾過癮嘅泰式fusion!扁意粉滑滑彈牙,配埋大隻足料嘅虎蝦同辣香濃郁嘅冬蔭功湯底,酸酸辣辣嘅味,仲要有很多新鮮香脆嘅蔬菜,香濃有層次最後一提澳洲安格斯肉眼扒,外焦裡嫩,再淋上濃郁鮮甜嘅壽喜燒汁,配埋煎至金黃香脆嘅薯仔粒,簡直係又嫩滑又惹味。免治雞軟骨串，呢個好味軟骨帶嚟嘅爽滑口感同咸香味,配埋蛋液嘅濃稠黏滑。至於燒鱔,呢個食物肯定會吸引熱愛海鮮嘅你!鱔魚肉質嫩滑多汁,再加上烹調時鑊氣乾到外脆內軟,連同濃香四溢嘅燒烤味。