博多拉麵別天神 (已結業)

6月18日放工行經銅鑼灣，我一悶悶地就好想去食野，但又唔想一個人去d人多既地方，所以就漫無目的咁周圍逛下，睇下有沒有咩食店吸引到自己去試下，行下行下就搵到呢間拉面店，位置不在最旺既幾條街，不過亦唔算難搵。店面是一般日式設計，入面位置不多，比較特別的是門前有座八達通機，是比客人自助點餐用的，相當方便易用，點完就可以入去坐低等野食到。 我點了一個豬骨湯拉麵，配上小食餃子，凍麥茶和凍水是免費提供的，對於相對較熱既店內環境來說剛剛好。豬骨湯拉面豬骨湯強調是自家製，無用豆製或乳製調味，豬骨味特濃，可以看得出乳白色既豬骨濃湯，飲落的確係豬骨味完全濃縮入湯裡面。配料方面，要特別讚一讚既係溫泉蛋，唔單止蛋黃味濃厚而且香滑，連蛋白部份佢都可以整到Q彈，非常難得。拉面彈牙爽滑，而且份量十足，我都食得非常滿足。店內隨處可見教食客如何食出隱藏味道的秘笈：就是要利用店內提供既調味料，拉面醬汁，蒜泥，辣芽菜和七味粉，總共有兩種隱藏味道，我自己就試左加拉麵醬汁果款，加入隱藏味道的豬骨拉麵的確別有一番風味，我瘋狂地喜歡上這隱藏味道。日式餃子煎得香口，稍為醮上醋汁就令到味道更上一個層次，不錯。