麻辣風雲 (京都廣場) (已結業)

朋友係酸菜魚迷，今次帶我黎左銅鑼灣試下呢間傳說中高人氣川菜。🔸酸菜魚（小辣、小酸）$268魚肉大大片無嘜骨，肉質嫩滑，湯底辣、酸味配搭溫和。略嫌寬粉有d淋，少少唔夠煙韌，同埋萵筍只有3-4片，唔夠喉！🔸炸饅頭$58真心推介，首先佢上枱個氣場已經夠殺死，打卡一流！炸得岩岩好，外脆內軟，點埋練奶，好食到痴線，發明呢個配搭既人真係好偉大！🔸雞絲涼皮$68粉皮好爽滑撈埋青瓜絲、雞絲同麻醬一齊食清新可口！🔸菊花蜜$48粉紅色酒埕好靚！花蜜清甜，可以解一解辣。