Manecy's Studio Restaurant (已結業)

黑松露雜菌披薩 💰138 8⃣分必吃！打緊食評既小編望住張相，仲好回味佢個pizza！其實小編都幾仲意食d薄身餅皮既pizza，因為冇咁容易覺得口感，而且心入面覺得好似冇多澱粉質落度（自我催眠）。佢依款pizza就犀利啦！食落去你會feel到佢個餅皮脆又薄，而且有濃濃既黑松露同雜菌既味道。依仲濃郁既感覺就好似冬天你匿埋係被竇到既感覺，溫暖舒適，而d芝士呀，黑松露呀，雜菌呀，所有配料形成左一張包住你全身既被。想取悅你自己味覺既朋友仔，可以嘗試這個！/西班牙辣肉腸香蒜意大利麵 💰68 7⃣點5⃣分依個菜式味道濃郁，而且辣肉腸香味十足，加埋小小辣味，令你更有胃口同埋食慾。意大利麵爽口彈牙，配辣汁香蒜等配料，本身個味道已經好出色。然後因為辣肉香腸既陪襯，當你一啖麵一啖香腸咁一齊食，個口感又會被昇華，覺得算係唔錯既一款菜式。/杏仁牛油西蘭花 💰68 6⃣點5⃣分西蘭花色澤新鮮，而且散發住淡淡牛油既香味，仲有埋杏仁作陪襯添。食落去既時候，會食得出好似烚左咁，味道略嫌有d淡，都食得出牛油味，但小編確實有點點失望。