⭐️抹茶QQ 伯爵茶QQ 朱古力QQ $10/個 (5.5/10)
當日只有呢3款供應，所以企鵝妹一次過買晒。佢係新鮮出爐即刻放入袋嘅，仲會打開個袋口防止水蒸氣整濕個包。
買完後搵左個位，大概10分鐘後食，一拎出嚟就有d失望了😢因為個包扁塌左，完全唔係脹卜卜，所以第一下咬落感受唔到空氣感，有d似食緊壓扁咗嘅麻糬餅🙈菠蘿皮偏硬，唔太鬆脆，感覺好多菠蘿包嘅菠蘿皮做得比呢款好。
味道方面，伯爵茶QQ個茶味近乎冇，反而食落有d似芝麻味合桃酥?! 抹茶茶味同樣欠缺🍵，而朱古力味比較有誠意，有d朱古力碎🍫，但亦都唔濃。
唯一要讚嘅地方係麻糬甜甜地都真係幾煙韌嘅~
🐧企鵝妹食後感:
可能對佢有幾高期望，嗰日食到之後都幾失望，唔知係嗰日嘅品質問題定企鵝妹唔啱口味🙈佢唔係難食嘅，如果之後冇人排隊都可能再一試有冇改善到，但如果再要排隊就不了🫠
🐧企鵝妹評價: 5.5/10
