影片
更多
2020-05-26
3683 浏览
每星期最期待既周末~ 難得老公話已經book定檯，今回唔洗我傷腦筋。這次他帶我走到熟悉的大廈，到訪不一樣的餐廳，到鮨店當然要預留sushi counter，店員還細心準備好我地既自帶酒。呢度既自選壽司有8貫+烏冬，同埋12貫壽司，我當然主力食壽司啦！！ 對於一個有選擇困難既人黎講，要喺一張自選壽司表內剔選12貫壽司實在唔容易。師傅見我猶豫不決既樣子就提議由他決定吧！由自選變成了廚師發板，心中暗暗增添一份驚喜～師傅先了解我地對食既口味、要求，再決定食材。對於敢試、唔揀食既我地，師傅既創作空間應該又大點!先來沙律味噌湯，吃過開胃菜，第一件，不用說當然是比較清淡的白肉魚：池魚，剛踏入盛產期味道特別鮮甜，入口質感爽脆，略帶油香。象拔蚌，肉質鮮甜帶脆。中拖羅也不負眾望，油分恰到好處，魚味濃郁。魷魚，口感清爽有彈性，爽口彈牙。吃過茶碗蒸此時師傳遞上穴子骨比我地做佐酒小吃一節節既骨節清晰可見，骨頭中既水分完全烤出，入口酥脆。火炙過既金目鯛，令魚油喺粉紅色既魚肉溢出，質感細緻，鮮甜柔滑~活赤貝肉質爽厚，鮮味十足。右口魚本身已經比左口魚肥美，如今加上其魚肝，魚油更香滑至極，油香充斥整個口腔～睇住師傅整我
難得老公話已經book定檯，今回唔洗我傷腦筋。
這次他帶我走到熟悉的大廈，到訪不一樣的餐廳，
到鮨店當然要預留sushi counter，店員還細心準備好我地既自帶酒。
呢度既自選壽司有8貫+烏冬，同埋12貫壽司，我當然主力食壽司啦！！
對於一個有選擇困難既人黎講，要喺一張自選壽司表內剔選12貫壽司實在唔容易。
師傅見我猶豫不決既樣子就提議由他決定吧！
由自選變成了廚師發板，心中暗暗增添一份驚喜～
師傅先了解我地對食既口味、要求，再決定食材。
對於敢試、唔揀食既我地，師傅既創作空間應該又大點!
先來沙律味噌湯，吃過開胃菜，
第一件，不用說當然是比較清淡的白肉魚：
池魚，剛踏入盛產期味道特別鮮甜，入口質感爽脆，略帶油香。
象拔蚌，肉質鮮甜帶脆。
中拖羅也不負眾望，油分恰到好處，魚味濃郁。
魷魚，口感清爽有彈性，爽口彈牙。
吃過茶碗蒸
此時師傳遞上穴子骨比我地做佐酒小吃一節節既骨節清晰可見，骨頭中既水分完全烤出，入口酥脆。
火炙過既金目鯛，令魚油喺粉紅色既魚肉溢出，質感細緻，鮮甜柔滑~
活赤貝肉質爽厚，鮮味十足。
右口魚本身已經比左口魚肥美，如今加上其魚肝，魚油更香滑至極，油香充斥整個口腔～
睇住師傅整我最期待既海膽壽司，簡直垂涎三尺！
橙黃色既海膽肥美豐腴，味道甘甜濃郁，鮮甜度相當高，入口即與米粒融為一體。
平時食鯖魚大多先醃，而眼前既係新鮮冇醃過，
鯖魚要非常新鮮先可以做的。
食返原味既鯖魚，油脂鮮滑可口～
豐腴香甜既牡丹蝦，師傅將蝦頭裡既蝦膏抽出放上牡丹蝦肉上，
將其鮮味昇華，入口不禁閉目細嘗。
火炙大拖羅
炙燒過既魚油香氣從鼻尖走到囗中，先聞其味再嘗其鮮，
整件大拖羅壽司在中裡融化，魚味更突出又不膩。
拖羅卷，中間加上紫蘇葉碎，其辛香氣味更帶出魚鮮。
玉子燒，大概是關東煮法，甜甜的熱烘烘充滿蛋香。
還追加了大拖羅，睇住師傅喺大拖羅上面輕𠝹幾刀，令入口質感更細膩。
最後以雪糕生果作結，完滿又滿足!
张贴
