影片
更多
2021-06-22
90 浏览
喺燈籠街經過見呢間韓牛放題傳單，上黎試下。 7點入座計每位$298另加一，2小時韓牛燒肉放題門口位置係冷盤自助區，放左多種韓式涼拌小食任你拼之餘，仲有幾款海鮮好似凍蝦、翡翠螺、青口，首選拎泡菜、醃酸雲耳、芽菜同青瓜佐餐醒胃。入座後用手機掃一下QR code睇菜單，篤幾下話咁快落好單。熟食之前先上一個6點刺身拼盤，幾款魚刺身肥美厚切，有油甘魚、三文魚、帆立貝，希靈魚、北寄貝、甘蝦都好新鮮。每人仲有一客韓式既醬油醃蝦，去殼後可以生食，口感涼快之餘，整隻蝦身吸收左濃郁醬油香氣，配合蝦既咸鮮真係有估唔到既鮮極美味！食完醬油蝦舐舐脷之際，再黎一件刺身级韓牛壽司，配上赤醋飯，頂層超嫩牛肉與雪花脂肪比例完美，紅白交錯，入口散發陣陣脂香肉鮮。店員先安排好海鮮拼盤，有兩款貝類海蜆、牛油青口同活海蝦，需要徹底烤熟。最期待牛油遇熱溶化之後，青口肉特別鮮滑添香。另一款用錫紙盛既清酒煮蜆，亦都係鮮甜之選！呢度用座檯式光波烤爐，放入各類食材在轉動中鐵盤加熱，油煙量不多，食物烤製過程唔易燶黑燒焦兼黏附烤板。好似雞皮串燒、牛仔骨，呢d多油超惹火既食材，鐵盤都能輕鬆處理，啱晒我地呢d掛住食又懶睇火既人。轉幾圈又翻一翻，
7點入座計每位$298另加一，2小時韓牛燒肉放題
門口位置係冷盤自助區，放左多種韓式涼拌小食任你拼之餘，仲有幾款海鮮好似凍蝦、翡翠螺、青口，首選拎泡菜、醃酸雲耳、芽菜同青瓜佐餐醒胃。
入座後用手機掃一下QR code睇菜單，篤幾下話咁快落好單。
熟食之前先上一個6點刺身拼盤，幾款魚刺身肥美厚切，有油甘魚、三文魚、帆立貝，希靈魚、北寄貝、甘蝦都好新鮮。
每人仲有一客韓式既醬油醃蝦，去殼後可以生食，口感涼快之餘，整隻蝦身吸收左濃郁醬油香氣，配合蝦既咸鮮真係有估唔到既鮮極美味！
食完醬油蝦舐舐脷之際，再黎一件刺身级韓牛壽司，配上赤醋飯，頂層超嫩牛肉與雪花脂肪比例完美，紅白交錯，入口散發陣陣脂香肉鮮。
店員先安排好海鮮拼盤，有兩款貝類海蜆、牛油青口同活海蝦，需要徹底烤熟。最期待牛油遇熱溶化之後，青口肉特別鮮滑添香。
另一款用錫紙盛既清酒煮蜆，亦都係鮮甜之選！
呢度用座檯式光波烤爐，放入各類食材在轉動中鐵盤加熱，油煙量不多，食物烤製過程唔易燶黑燒焦兼黏附烤板。
好似雞皮串燒、牛仔骨，呢d多油超惹火既食材，鐵盤都能輕鬆處理，啱晒我地呢d掛住食又懶睇火既人。
轉幾圈又翻一翻，待食物香烤至金黃色就可以夾起享用。
雞皮串仲係好脆口咬落彈牙，牛仔骨又唔會柴皮幾Juicy。
肉食類之中追加左薄嫩牛脷、肩里脊。
火炙韓牛壽司都好推介
點埋海帶牛肉湯，消消膩，滋味鮮美。
甜品以韓國雪條為主，仲有韓國既oreo 雪米糍
张贴
