稻埕飯店 (V Point) (已結業)

趁團年同屋企人食餐好既，我地黎左銅鑼灣V Point地庫呢間稻埕飯店試下。個餐牌有唔少選擇，我地叫左個海鮮風味四人餐。個套餐一共有十款食物，真係好意頭，啱晒一家人新春團團圓圓。金銀蒜泥五花白肉：每片捲住青瓜既白肉，加上金黃色的蒜泥，很滋味。鵝不是鴨肉：鵝肉嫩滑，墊底既豆腐都充滿滷水汁。古早味佛跳牆：湯料有花膠、鮑魚、螺頭、海蔘等，足料高質。蟹鉗肉酥蛋捲：炸得鬆脆，內裡全部蟹肉，口感豐富。紅麴蒸日本珍寶帶子：帶子很大粒爽口，清蒸已經很鮮味。富貴黃金大虎蝦：虎蝦好新鮮，配上咸蛋黃，很惹味。滿滿骨膠原豬手：醬汁入味，豬手炆得夠腍。鮑汁濃香花菇干貝扒菜膽：經典家常菜，賀年必食。櫻花蝦古早油飯：有D似糯米飯，不過配料係櫻花蝦同XO醬，一人一碗，份量剛好。黑芝麻湯丸芋圓紅豆湯：湯丸、芋圓和紅豆，完美組合，又唔會太甜。總結，餐廳座位舒適，食物質素高，還有不少打卡位，絕對係晚飯聚會的好地方。