影片
更多
2022-09-25
82 浏览
近排食得外國菜多，想食返啲本地野，有朋友話銅鑼灣呢間新開嘅豬扒飯餐廳幾有格調，所以今日就去試吓啦。一睇個裝修，即刻好似去咗英國置身喺kingsman套戲入面，低調得來帶點奢華。餐廳環境只有五個座位，所以都較多人買外賣，不過堂食都唔會覺得好迫。特務J：招牌威士忌BBQ豬扒飯($63): 等咗大概5分鐘就有得食啦，望落去個樣好靚，成塊豬豬扒已經切咗一件件，有少少配菜同埋一舊番茄。招牌威士忌BBQ醬汁酸酸甜甜，配上醃咗嘅豬扒，味道好特別，冇特別重嘅威士忌味，就算唔飲酒嘅人都啱。豬扒本身冇乜筋同骨，全部啖啖肉，煮得啱啱好，唔會過淋又唔會過硬，有一定質素。特務C：越式水咖喱豬扒飯($63): 同樣地，豬扒大概有七至八舊，而且比較厚身。咖喱唔似印度方式嘅辣，反而係食完之後口入邊會有少少微辣嘅感覺，但唔會逗留太耐。個人都覺得幾惹味嘅！雙重特務H&M(自家製薯蓉拼肉丸配肉汁)($38): 反而肉丸有驚喜，本身諗住係細細粒好似宜家傢俬嗰啲肉丸咁樣，點知個size好似個牛肉球咁大，仲要煎得個面脆脆地，一咬落去嘅時候肉汁流晒出嚟，就算唔點本身俾埋嘅燒汁，都夠哂味。 薯蓉就冇乜太特別，係比平時出邊食嘅較cre
一睇個裝修，即刻好似去咗英國置身喺kingsman套戲入面，低調得來帶點奢華。餐廳環境只有五個座位，所以都較多人買外賣，不過堂食都唔會覺得好迫。
特務J：招牌威士忌BBQ豬扒飯($63): 等咗大概5分鐘就有得食啦，望落去個樣好靚，成塊豬豬扒已經切咗一件件，有少少配菜同埋一舊番茄。招牌威士忌BBQ醬汁酸酸甜甜，配上醃咗嘅豬扒，味道好特別，冇特別重嘅威士忌味，就算唔飲酒嘅人都啱。豬扒本身冇乜筋同骨，全部啖啖肉，煮得啱啱好，唔會過淋又唔會過硬，有一定質素。
特務C：越式水咖喱豬扒飯($63): 同樣地，豬扒大概有七至八舊，而且比較厚身。咖喱唔似印度方式嘅辣，反而係食完之後口入邊會有少少微辣嘅感覺，但唔會逗留太耐。個人都覺得幾惹味嘅！
雙重特務H&M(自家製薯蓉拼肉丸配肉汁)($38): 反而肉丸有驚喜，本身諗住係細細粒好似宜家傢俬嗰啲肉丸咁樣，點知個size好似個牛肉球咁大，仲要煎得個面脆脆地，一咬落去嘅時候肉汁流晒出嚟，就算唔點本身俾埋嘅燒汁，都夠哂味。 薯蓉就冇乜太特別，係比平時出邊食嘅較creamy。
嘢飲方便就以自助形式喺雪櫃自己攞。
總結：豬扒質素超乎想像，本身以為外賣店會較隨意，裝修同煮法都係有心思嘅，絕對會介紹朋友過嚟。
张贴
