Vivere (已結業)

🍗炸雞胸軟骨呢個炸雞胸軟骨真係好正！炸到金黃香脆，咬落去硬硬地，配酒啱啱好，令人停唔到口。🍗雞爽肉串燒有驚喜，竟然有炭香，調味適中，口感彈牙爽口。🐮9安士澳洲安格斯肉眼扒配壽喜燒汁肉香好濃，啱啱好嘅熟度，咬落去啲肉汁即刻流出嚟，加埋壽喜燒汁嘅甘甜味，蛋漿都可以吊起肉嘅味道。🍝傳統意大利卡邦尼意粉意粉煮得剛剛好，唔會太硬亦唔會太軟，醬汁好濃郁，每一口都感覺到蛋黃同芝士嘅香濃。🧁熔岩巧克力蛋糕配雲呢拿雪糕呢個甜品真係一絕！熔岩巧克力蛋糕外層脆口，入面流心嘅巧克力熔岩配埋香濃嘅雲呢拿雪糕，簡直係天作之合。🧁拖肥木糠布甸拖肥木糠布甸甜而不膩，木糠層層疊疊，口感好豐富，拖肥嘅甜味剛剛好，食完真係好滿足。☕️Latte香滑，咖啡同奶比例均衡。🍺Bubble Trouble呢杯Bubble Trouble飲落去好有趣，好似軟糖嘅味道，有點甜又有氣，係一杯令人驚喜嘅飲品。