スーパー丼 (駱克道) (已結業)

王氏力場，今日放假同哥哥，一齊去銅鑼灣搜尋美食。 哥哥最後的推介呢間， 香港 新鮮魚生丼， 仲話如果唔新鮮呢餐佢請咁話。如果有興趣嘅食家，切記要留意佢地門口，因為冇乜太大嘅廣告牌，所以好容易遺忘。嚟到呢度唔當然要食魚生飯啦，所以我變order海膽，大吞拿魚腩，三文魚子丼。睇下究竟佢同香港嘅某築地市場，有幾大分別先。哥哥就選左，生薑燒黑豚肉丼。 話就畀佢張圖吸引住。好啦，終於睇到碗飯嘅食物賣相，同餐牌相一樣好吸引。尤其是吞拿魚腩，好厚好新鮮， 而海膽就更加不在話， 夾上擺落口就即刻用溶化。好難喺出面一般街上面食到，但係最令我感意外嘅就係最啲茶漬物。一定要試埋佢地嘅漬物，另外三文魚子非常大粒新鮮咬落口脆卜卜真係唔夠喉。哥哥你碗生薑黑豚肉飯，來頭亦唔少，真係色香味俱全 ，樣樣有齊 。睇佢賣相已經知道好吸引，當然亦十分好食，雖然價錢比一般出面食到嘅貴少少 。但係佢收得咁嘅價錢，自然比你食得出同出面有極大嘅分別。豚肉佢一定用上日本制黑豚肉，並唔係選用澳洲甚至乎國內嘅豬肉，你可以食得出每片豬肉嘅油香，再加埋佢隻蛋。簡直係無敵嘅配搭，大家真係要不妨一試。