影片
更多
2023-06-21
88 浏览
燒肉の殿堂📍銅鑼灣駱克道459-461號The L. Square9樓之排碌ig見到好多人介紹一個大阪城造型嘅燒肉，share咗俾朋友之後佢都好有興趣，於是搵咗一個閒日嘅夜晚食。雖然我都好想叫個大阪城燒肉食，但無奈佢只供應牛肉，唔食牛肉嘅我叫嚟只會得個睇字，所以只可以揀另一個餐，但估唔到頗有驚喜，食材非常豐富，直頭係物超所值！開始分享個二人餐前，想特別介紹一下餐廳嘅自家秘製燒汁、味噌同辛口，食唔同嘅肉可以點唔同嘅醬嚟調味提鮮！我覺得呢間餐廳嘅醬汁係精粹，燒汁夠清唔會油膩，濃淡度適中；味噌味道香醇濃郁，能夠帶出肉類嘅鮮味；而辛口辣度微但重蒜香，食落好似港式冷麵嗰隻醬，比想像中好食！ 💰$588殿堂二人餐 👩🏻❤️👨🏻芥末秋葵車厘茄漬 🍅沙律 🥗 二人餐包咗兩款前菜，沙律同芥末秋葵車厘茄漬，前者用嘅沙律菜好新鮮，食落索索聲，加埋胡麻醬口感好清新；後者比較特別，秋葵爽口，調味醒胃，配埋木魚碎食和風味十足。岩鹽青檸雞腿肉 🐓嚟到燒肉嘅部份，先介紹雞肉，呢款岩鹽青檸雞腿肉用咗青檸同香茅醃製，所以食落去好似泰識醬料嘅調味。雞肉嫩滑，有淡淡的雞味，件件都好大件，所以燒嘅時候建議大家先剪成小塊，否則
📍銅鑼灣駱克道459-461號The L. Square9樓
之排碌ig見到好多人介紹一個大阪城造型嘅燒肉，share咗俾朋友之後佢都好有興趣，於是搵咗一個閒日嘅夜晚食。雖然我都好想叫個大阪城燒肉食，但無奈佢只供應牛肉，唔食牛肉嘅我叫嚟只會得個睇字，所以只可以揀另一個餐，但估唔到頗有驚喜，食材非常豐富，直頭係物超所值！
開始分享個二人餐前，想特別介紹一下餐廳嘅自家秘製燒汁、味噌同辛口，食唔同嘅肉可以點唔同嘅醬嚟調味提鮮！我覺得呢間餐廳嘅醬汁係精粹，燒汁夠清唔會油膩，濃淡度適中；味噌味道香醇濃郁，能夠帶出肉類嘅鮮味；而辛口辣度微但重蒜香，食落好似港式冷麵嗰隻醬，比想像中好食！
[價錢 Price]
💰$588
殿堂二人餐 👩🏻❤️👨🏻
芥末秋葵車厘茄漬 🍅
沙律 🥗
二人餐包咗兩款前菜，沙律同芥末秋葵車厘茄漬，前者用嘅沙律菜好新鮮，食落索索聲，加埋胡麻醬口感好清新；後者比較特別，秋葵爽口，調味醒胃，配埋木魚碎食和風味十足。
岩鹽青檸雞腿肉 🐓
嚟到燒肉嘅部份，先介紹雞肉，呢款岩鹽青檸雞腿肉用咗青檸同香茅醃製，所以食落去好似泰識醬料嘅調味。雞肉嫩滑，有淡淡的雞味，件件都好大件，所以燒嘅時候建議大家先剪成小塊，否則就好易出現表皮過熟，但裏面仲係紅色嘅情況。
厚切黑毛豬 🐖
黑毛豬肥瘦相間，燒香咗充滿油香，建議燒焦香少少，咁就會食到脆皮嘅感覺。本身呢款肉就無乜點醃製，所以推介大家點味噌或辛口嚟食。
汁燒封門柳 🐄
用黑椒汁醃嘅封門柳好入味，燒嘅時候要掌握好時間，咁就會啖啖肉好多汁，相反燒得太耐會變得好韌，所以唔好見佢咁厚身就燒耐啲，其實燒到外面變啡，裏面仲有少少紅就已經食得。
薄切牛舌 🐄
餐廳將牛舌卷成一朵玫瑰花，每片牛舌都勁長，薄切嘅關係所以基本上燒20秒左右就食得，食落口有滿滿嘅牛香。
和牛西冷 🐄
朋友最推介呢度嘅西冷，佢嘅油花好靚，而且有個專屬嘅醬汁跟上。店員教我哋食嘅時候，要俾塊西冷sit下先，等嘅期間可以將個醬汁成個放落爐燒，等牛油溶化蒜頭變香之後，就可以將西冷剪成小塊落爐燒。一燒啲油脂就令個爐火光熊熊，大家唔想浪費咗塊西冷就記得唔好燒過龍，建議唔好直接貼住個網燒，否則就好易燶㗎啦！如果燒到啱啱好，就會食到充滿油香嘅嫩牛㗎啦！
殿堂玉子飯 🍚
個人認為呢個飯真係世界級好食，除咗有紫菜，仲有大量飯素同一隻溫泉蛋，食之前記得將所有食材攪拌均勻，咁就每羹都食到好好味嘅殿堂玉子飯啦！
檸檬沙瓦 🍹
檸檬味唔酸，鹽味好夠，酒味再濃多少少就perfect。
碟豆花乳酸梳打 🍹
經典嘅夢幻飲品，甜度適中，最啱鍾意打卡同唔飲酒嘅朋友飲！
日本蘋果雪葩 🍎🍧
原個蘋果雪葩造型夠搶眼，打開個蓋會見到滿滿嘅雪葩，由外而內都可以食，非常新奇。裏面嘅雪葩都啲都唔馬虎，顏色有啲似日本高濃度嘅蘋果汁，食落啖啖蘋果香氣，推介俾各位一試！
雲呢拿雪糕 🍦
正正常常嘅雲呢拿雪糕，比較快溶，記得要快啲食呀！
张贴
