尚鮮海鮮料理 (已結業)

幾個人食飯唔知食乜好，見呢個週末涼涼地，一於去打邊爐。喺銅鑼灣區打邊爐嘅選擇都幾多，不過好容易一下唔覺意就去到一啲超級貴價嘅鋪頭，原來喺時代廣場後面有間樓上火鍋店，都幾出色！睇見餐廳都拎左開飯嘅獎，質素應該都有保證。除咗散叫之外，原來呢間餐廳都有一啲套餐，適合唔同類型嘅朋友聚會。今次人又唔係好多，所以以散叫為主。手切安格斯肥牛雪花嘅佈局好均勻，紋路清晰。食落去好嫩滑，不鞋身！蟹肉餃一個加入左蟹肉嘅餃子，食落去鮮味十足，又彈牙。而且出面都冇得食，應該係小店自家製。比較少火鍋店入邊會有苦瓜點，我自已都少食，因為好怕處理得唔好會好苦。朋友話試過你就知道有幾正，苦瓜原來放咗湯之後一啲都唔苦，反而沖走左本身嘅苦味，吸晒啲湯汁！排到井字型嘅午餐肉，十分之有心機！係打邊爐嘅邪惡之選。不過始終年紀大，呢一啲後製加工食物都係食少啲好。最後加多個嘅讚岐烏冬，都叫有澱粉質落肚。兩位朋友都抱着肚子離開， 大叫好滿足。