悉尼樂園 (已結業)

今日同朋友book咗上嚟呢間玩嘢樓上懷舊cafe同米老鼠食飯，一上到去店舖唔大，但都差唔多full曬，周圍裝修係走懷舊風。✨招牌鹽燒牛舌 有六片，燒得外脆內軟肉質有咬口同幾juicy，用咗少少黑椒調味。呢個估唔到幾高質，有驚喜。🎃南瓜蟹肉燴飯 用上少少洋蔥同蒜蓉調味，如果有南瓜粒粒加重南瓜味更好，燴飯飯粒煙靭有咬口。因為我唔食得蟹，店家好好人幫我轉咗蝦肉。🍝喇沙龍蝦汁配大蝦長通粉蝦肉彈牙，有四粒大蝦。喇沙龍蝦汁配長通粉好惹味，鐘意濃味可以揀呢款。🍑Peach1664 Cocktail 係成枝1664俾你自己加落桃味醬嘅特飲，甜甜哋幾好飲。🥛熱焙茶豆腐花latte焙茶味幾濃，飲到最後有啲豆腐花，似食緊甜品。