南洋家

今日想食啲唔同啲嘅嘢，意外發現公司附近有間東南亞菜，就去試吓。我叫咗一個咖喱雞（$40），加個飯（$10）。如果就咁嗌三餸都係$100 ，其實份量都唔錯，所以如果兩個人食都幾抵食。不過因為我得自己一個，所以就淨係嗌咗一個餸🤣🤣店員好熱情叫我試吓啲串燒，四串（$50）其實都OK，不過我一個人食唔晒，所以就試咗一串牛肉沙嗲串，都真係冇介紹錯幾好食。店員好用心咁樣燒，加埋沙嗲醬真係唔錯😁另外我都嗌多咗個泰式奶茶（$28），店員話咁啱冇晒冰，就沖咗勁大杯俾我🤣🤣好耐冇飲泰奶了，好掛住泰國！🫶🏻