下午茶套餐都有幾多選擇，有喇沙、咖哩、撈濛等，價錢五、六十蚊不等；仲可以優惠價加配小食，有泰式春卷、酸辣鳳爪沙律、杏仁蝦餅、豬頸肉等。
=========================
【馬來無骨海南雞喇沙】$62
一個套餐可以食到海南雞同埋喇沙！海南雞肉質嫩滑，可惜去骨後雞肉偏薄。喇沙好大碗，並無因為下午茶時段而減少份量
麵底係摻摻，即係油麵加米粉，配有半隻蛋、豆卜，湯底帶椰香濃稠，多飲幾啖偏膩。
【馬來咖哩牛腩配飯】$66
估唔到咖喱幾辣，香料香氣偏淡；可惜牛腩偏硬，炆耐啲時間相信會更入味；份量大方，白飯太大碗食唔晒。
【秘製馬來肉骨茶配飯】$58
配料有豆卜、枝竹、冬菇、油炸鬼，排骨十分腍；湯底有杞子圓肉，入口幾甜，藥材味偏淡易接受。
【馬來杏仁蝦餅】+$28
杏仁帶出脆脆口感，蝦餅偏薄令彈牙蝦肉嘅感覺冇咁明顯。
=========================
馬泰
📍銅鑼灣駱克道408號地舖
