影片
更多
2017-09-25
73 浏览
最近銅鑼灣有楝新大廈落成叫Aura on Pennington, 最低果幾層都係食肆, 樓上就寫字樓。本住飲頭啖湯嘅精神去搵食, 就睇中左2樓一間叫韓讚嘅餐廳, 主打韓式料理。一出電梯就感覺好有活力, 成間餐廳都好光猛, 裝修當然係最新!睇睇個menu, 發現有水耕菜! 喺某啲有機舖頭或者外國式超市可能會買到，但喺餐廳見到都係第一次。依家人人都話要食得健康，水耕其實係一種種植的方法。不用泥土，植物種在水中，所需養份來自「營養液」，非常環保。不過因為呢度嘅水耕菜菜式以沙律為主，但我暫時又唔太方便食生冷野，所以決定下次再黎先試。最後俾個雜錦海鮮鍋吸引住，即管叫黎試下。一上枱就俾隻大墨魚同八爪魚嚇親，兩隻都大到就黎連個鍋都載唔住，我地得3個女仔，邊食到咁多@@等左一陣個湯滾起就先載左一碗黎飲，個湯底好清甜，完全係海鮮煲出黎嘅鮮味，微辣，我唔食得辣都接受到，仲覺得個味道好過癮! 未食啲海鮮個湯就無左一大半，好彩佢隨鍋附送另一大碗湯，可以一路食一路加湯。呢個海鮮鍋嘅海鮮真係包羅萬有，八爪魚，墨魚大隻都不在話下，仲有蝦，蜆，青口都好鮮味，而且仲好似食極都食唔完。。。。食到一大半就有位侍應走過黎話如
一出電梯就感覺好有活力, 成間餐廳都好光猛, 裝修當然係最新!
睇睇個menu, 發現有水耕菜! 喺某啲有機舖頭或者外國式超市可能會買到，但喺餐廳見到都係第一次。依家人人都話要食得健康，水耕其實係一種種植的方法。不用泥土，植物種在水中，所需養份來自「營養液」，非常環保。不過因為呢度嘅水耕菜菜式以沙律為主，但我暫時又唔太方便食生冷野，所以決定下次再黎先試。
最後俾個雜錦海鮮鍋吸引住，即管叫黎試下。一上枱就俾隻大墨魚同八爪魚嚇親，兩隻都大到就黎連個鍋都載唔住，我地得3個女仔，邊食到咁多@@
等左一陣個湯滾起就先載左一碗黎飲，個湯底好清甜，完全係海鮮煲出黎嘅鮮味，微辣，我唔食得辣都接受到，仲覺得個味道好過癮! 未食啲海鮮個湯就無左一大半，好彩佢隨鍋附送另一大碗湯，可以一路食一路加湯。
呢個海鮮鍋嘅海鮮真係包羅萬有，八爪魚，墨魚大隻都不在話下，仲有蝦，蜆，青口都好鮮味，而且仲好似食極都食唔完。。。。食到一大半就有位侍應走過黎話如果要加韓國麵就叫佢，我地諗都應該係某種牌子嘅韓國即食麵，點知一出黎我地都互望左一下~咦！白色嘅韓國麵?!真係第一次食呢啲鍋唔係食即食麵。個麵質好煙韌，就算我地中途掛住傾偈，搞到佢煲左好耐，佢都依然係好有口感，讚!
而我另外2位朋友都有叫野飲，仲幾有特式下，一杯係羽衣甘藍鮮芒果沙冰，另一杯係牛油果檸檬特飲，雖然我同佢地無緣，不過朋友嘅評價都幾高，尤其係羽衣甘藍鮮芒果沙冰，朋友話飲到新鮮嘅羽衣甘藍味，好清新，而且佢屬十字花科蔬菜，有豐富的抗氧化營養素，包括維他命A、C、鈣質、纖維，係抗癌恩物。
短期內都會再黎，我要放肆食沙律同飲羽衣甘藍鮮芒果沙冰，仲好想試埋佢地嘅甜品!
张贴
