一哥點故 (已結業)

去銅鑼灣睇龍珠展，人頭湧湧，去附近飲個茶，最近多了很多細細間嘅點心餐廳，除左傳統點心，仲會加入mix n match 元素，吸引年輕人幫襯。叫左市面上都有嘅黑金流沙包（鄉里都未試過），黑色表面掃上食用金漆，一撕開個包，流沙即刻爆出黎，蛋黃味好濃又香，金金黃黃，同黑色包面好大對比。灌湯小龍包，非常飽滿，咬個小口吸左湯汁先，其實小龍包皮薄，已經睇倒濃濃嘅湯汁，精華肉汁的味道。沙爹金錢肚係傳統點心，肉質厚實飽滿、口感彈牙，並保持本身的靭勁，吸收左沙嗲好入味。春風得意腸係推介點心，一如其名咬落脆口好得意，加上爽脆鮮蝦及蟹籽，添加矜貴感。估唔到小小點心店都有幾款燉湯可選，姬松茸燉湯係其中一款，菌味濃，燉雞湯很補身。簡單的幾個點心，食飽就去睇展覽。