滿屋日本料理 (已結業)

好耐都無吃過放題了，今日趁住疫情開始緩和，出來透透氣，吃返餐放題。6點入到餐廳已經有幾檯客人吃緊，雖然我們兩個人，餐廳都安排咗張6人檯俾我們坐，而且盡量同隔離檯隔開，侍應都戴口罩同手套，感覺都比較乾淨。坐低第一時間就係揀嘢吃，種類都算多，除了寫紙仔，外面仲有甜品櫃、熱吃區、小吃區、沙律區，仲有包谷機，小朋友一定勁開心。😋刺身質素不錯，最驚喜係大大隻的原隻帶子，勁厚身，虎蝦都好大隻，成個手掌咁長。平時我吃放題都好少吃壽司🍣，因為容易飽肚，今日竟然吃了差唔多十件，因為真係好好味，壽司飯細細件，魚生新鮮。燒物都唔錯，有水準，全晚無漏單，上菜快，抵吃!最後當然唔少得雪櫃啦，好滿足!