滿屋日本料理 (已結業)

銅鑼灣放題之選👍🏻放題食品選擇非常之多, 除咗固有嘅刺身, 壽司, 手卷, 煮物, 炸物, 甜品, 鍋物之外佢出邊仲有一個前菜同甜品吧. 有冷盤例如無骨鳳爪, 沙律, 生果同埋各式各樣嘅甜品, 仲可以自己唧雪糕添! 飲品除咗可以自取, 紙上仲可以點取珍珠奶茶同百香果飲品, 兩樣都非常唔錯👍🏻刺身方面我地點左帶子, 牡丹蝦, 北寄貝同三文魚, 全部都好新鮮! 值得嘉許嘅係有時食放題係得第一round嘅刺身比較新鮮, 再叫往往都比較失色, 但呢間嘅水準係一致嘅👍🏻另外都好推薦海膽手卷, 雖然份量較細, 但入面飯嘅比例係比較少, 咁就可以食多幾舊都唔會太飽, 而且海膽非常新鮮😋😋熟食方面最推薦嘅係雞軟骨同埋鹽烤大蝦, 雞軟骨烤得剛剛好, 外皮香脆而且好有口感, 而蝦係非常大隻, 食得出係用新鮮嘅大蝦👍🏻甜品方面最推薦嘅係楊枝甘露加雪糕, 飲落去楊枝甘露唔係一般嘅糖水, 而係好濃郁嘅芒果汁加上柚子果肉, 同雪糕非常匹配😋缺點係同一般放題一樣座位空間都比較狹窄, 位同位之間靠得比較近出入就要比較小心喇