ZipZip

之前J小編朋友生日，佢話請佢食餐飯就可以，然後就話想嚟呢到試下，咁無理由唔滿足佢啦😌呢到環境雖然唔大，但入到嚟又覺得好親切，因為裝修得幾靚，望落去好搞鬼👻同埋加上呢到係pet friendly，所以一入到去見到有客人帶埋狗狗真係好可愛呀~

就咁睇你都會見到佢哋Menu嘅中文食物名稱真係好搞鬼，加上呢度環境都幾舒服，所以嚟呢度食嘢都幾放鬆~小編都覺得呢到同朋友聚餐都係幾不錯嘅選擇，食物質素又唔差，喺銅鑼灣聚腳不妨可以試吓呀😉

份量幾大，除左薯條上面嘅明太子之外，仲額外有一個小份量嘅明太子比客人，所以唔使驚唔夠xd

$68

牛扒熟嘅程度啱啱好，仲有少少沙律，反而我哋對個兩塊蝦片有興趣啲，夠大塊同香口🤣

$198

呢個真係毋庸置疑係小編同朋友揀嘅No.1食物！片皮鴨一定食過，但將中式嘅食物再搭配西式真係意外地好夾🤩佢唔會好鹹，真係用咗片皮鴨嘅醬汁，配埋青瓜同京蔥一啖食落去真係好好食同好有滿足感。同埋最重要係佢哋個Pizza餅底唔係厚底，而係薄批，所以就算成個食落去都唔會覺得好油膩同好飽，真係必點👍🏻

$138

至於呢個Pizza同樣都不錯，鍾意算嘅朋友可以叫呢個，因為真係好重蒜蓉味。配買隻虎蝦同埋芝士，一定唔會唔好食。

$148

呢個烏冬好野味，不過可能J小編食得辣，所以又唔覺得佢好辣。同樣個塊蝦片feel到係即炸，所以夠晒香口，配埋烏冬汁一齊食好正😝

$136

好重雜莓味，反而yogurt味無想像中咁出，不過成杯都唔會好酸，同埋都幾大杯。

$58

比起Mixed Berry個杯，小編同朋友都會鍾意呢杯柚子味嘅多啲。好清爽同清甜，解膩一流。

$58