Pancake 專門紗織 (已結業)

依家冇得去旅行，只好周圍去搵新餐廳食好野，呢幾日係網上見到銅鑼灣呢間Pancake專門，好多好評，菜式既相好鬼靚，見聽日放假就約埋朋友一齊去試下。餐廳環境非常日式，設計好可愛，到處都係可愛既貓貓擺設品。餐牌上菜式好豐富，樣樣都好吸引，我最後都係嗌左香燒牛小排蘑菇汁飯，套餐包括餐湯，沙律，餐飲。牛小排好嫩，一D都唔軔！忌廉蘑菇汁好濃郁，奶味好香。朋友嗌咁全日早餐都好豐富，有腸仔，薯餅，溫泉蛋，烤芝士大蘑菇，pancake，沙律等。朋友一食芝士大蘑菇讚不絕口，話蘑菇好香又多汁，燒過既芝士味道好濃郁！走既時候朋友都話下次要再試埋甜品。